Beïnvloed jy ander, of word jy deur ander beïnvloed?

‘’n Hart gevul met liefde en dankbaarheid is kompos vir die wilde veldblomme

van geluk.’ – Karmen Wiid


Ek wil sommer begin deur vir jou te sê, jy wat nou hier lees, of jy nou ‘n mamma,

‘n suster, ‘n vriendin of ‘n swerwer sonder rigting is, jou lewe het letterlik so ‘n

onmisbare banier van goedheid en guns daaroor, dis soos om water van olie te

skei. Ons raak soms so vasgevang in ons allerdaagse algemene roetines, dat ons

dink ‘n groot gebeurtenis is nodig voordat die vyand bedreig voel. Laat my

asseblief toe om te getuig: dit is juis die klein, algemene, allerdaagse dinge wat

die vyand teen die mure uitdryf – ‘n tipiese 8 tot 5 werksdag, om inkopies te doen

vir ‘n doodgewone aandete, algemene beplanning vir ‘n nuwe week...alles

bloot omdat algemeen vereis dat ons volkome op die Here vertrou om te

voorsien.


Die lewe is nie ‘n film waar ons vooraf ‘n vinnige 3 minute voorskou kan kyk om

min of meer ‘n idee te kry van wat ons kan verwag nie, dit is meer soos ‘n eksamen

waar jy na die toets eers die les leer.


Dit is geen geheim dat jou karakter die koers van jou lewe bepaal nie. Wie jy is

wanneer die wêreld nie kyk nie, hoe jy mense hanteer wat nooit iets vir jou in ruil

kan teruggee nie, jou denke oor hoe jy gaan optree wanneer jy van iemand

verskil, jou optrede wanneer die antwoord ‘nee’ is en jy moet wag, selfs jou

gehoorsaamheid wanneer jy geroep word om dinge aan te pak wat jou bang

maak. Jou karakter is soos ‘n boom wat wortel skiet wanneer jy dit water met die

identiteit van wie jy in God is, en wanneer jou karakter gekweek word met die

waarheid van wie jy is in God, is dit vanselfsprekend dat jy die vrug van die Gees

sal dra.


Maar hoe gemaak wanneer jou karakter met vuil water getoets word? Wanneer

die begeertes en drome in jou hart nie volgens jou eie tydlyn verloop nie of die

lewe soveel hartseer jou kant toe gooi wat jy voel jy nie verdien nie en jy wonder

waar is God dan nou? Jy spandeer tyd in Sy woord, jy doen wat gedoen moet

word om jou water skoon gefilter te hou, en steeds lyk dit asof almal anders

rondom jou die vrugte pluk van ‘n boom wat jý dan so lank aan kweek. Nog erger

wanneer dit voorkom of hulle helfde die moeite met hulle eie bome doen!


Net soos wat Rome nie in ‘n dag gebou is nie, net so groei bome ook op hul eie

tyd. Elkeen van ons is ons eie boom, en op jou reis sal jy baie ander bome teëkom.

Sommige sal skadu gooi met suiwer slegte intensies, terwyl ander weer vir jou ‘n

rusplek sal bied. Sommige bome sal vrot vrugte dra wat jou sal siek maak, terwyl

ander se vrugte vir jou voedsaam sal wees en energie bied vir die pad wat voorlê.

Watter boom is jy wanneer die lewe nie volgens jou tydlyn verloop nie? Behou jy

‘n karakter waar jou wortels nie anders kan as om rusplek te bied en gesonde

vrugte te lewer vir diegene wat by jou kom skuiling vind, of word jou karakter

onder druk geplaas tot so ‘n mate dat jou boom skadu oor ‘n ander se pad gooi

en slegte vrugte lewer om hulle pad van voorspoed te pootjie?


Dit is baie makliker gesê as gedaan, ek weet. Ons almal kom op ‘n plek in ons

lewe waar ons gekonfronteer word met ons eie wil, ons eie planne en ons eie tyd

teenoor wat die mees fenominale Resigisseur al lankal oor ons lewens gedroom

en geskryf het. Ons almal wil soms self daardie pen vat en die manuskrip so bietjie

aanpas – ‘n paar tonele verwyder, hier en daar karakters verander, nuwe

karakters self kies en ander tonele vervroeg of vertraag.


Ek het die laaste twee weke opnuut besef hoekom die Bybel vir ons leer om nie

op ons eie insigte staat te maak nie. Ons is nie die regisseur van ons lewens nie.

Ons hou nie daardie pen vas nie. So talentvol, uniek en wonderlik elkeen van ons

geskape is, dink ek nie dis ‘n verantwoordelikheid wat enigeen van ons as mens

op ons skouers kan dra, om ‘n storie so perfek te redigeer, dat dit soos ‘n legkaart

met elke ontmoeting van ‘n ander siel op reis, op ‘n spesifieke tydstip, tot in die

fynste detail te skryf – dit alles terwyl jy God se Naam en volkome plan vir jou lewe,

en almal wat jy teëkom, te bemeester nie.


Die lewe is nie ‘n deadline wat ons kan afjaag nie. Jou lewe is jou eie persoonlike

film, geskryf deur jou eie persoonlike Regisseur wat jou persoonlik gevorm en

geskape het om die hoof karakter in jou storie te wees op hierdie spesifieke

tydstip, tot in die fynste detail, want dit is hoe Hy daaroor gedroom het. Dit is ‘n

asemrowende reis van genade, met ‘n paar tonele van storms en sterk winde,

talle karakters wat vlietend is, oomblikke, plekke en mense wat delikaat

toegedraai word en in jou hart se onthou-kamer gebêre word – of dit as gevolg

van hulle inspraak in jou lewe of die lesse van hulle toneel saam met jou was.


Dit voel soms soos ‘n pay as you go kontrak vir elke keer wat ons buite die Wil van

ons Regisseur beweeg, maar genade laat ons toe om ‘n pray as you go kontrak

te teken, een sonder die fynskrif... ‘n ‘Come as you are, Ek weet alklaar. I created

you for me en so lank as wat ek die pen vashou sal ek jou teen jouself beskerm’

tipe kontrak. Al wat ons moet doen is om op te daag.


Jy gaan nie die lyne vir elke toneel ken nie, al leer jy hoe hard. Jou gebede gaan

nie altyd die regte woorde hê nie, indien dit enigsins woorde gaan hê. Soms gaan

dit voel of jou plafon jou gebede pootjie om by die regte adres uit te kom, want

dit stop eenvoudig net daar, by ‘n wit plafon. Soms gaan jou trane te veel raak

en woorde te min, ander kere gaan jy dalk teveel praat en te min luister.


Selfs ontnugter voel. Maar daardie einste tonele is juis in jou storie geskryf, dit is geen

verassing vir ons Regisseur nie. Persoonlik voel ek dit is so vir 3 redes:


1. Jy is sterk genoeg om elke spesifieke toneel van jou lewe te hanteer, en selfs

wanneer jy swak voel, sal God namens jou sterk wees.


2. Niks bou karater soos om te wag op die Here se Wil nie, en niks skree van

absolute intieme verhouding en afhanklikheid soos om op God te vertrou vir

voorsiening nie.


3. ‘Waiting signifies an expected endurance that’s demonstrated by a directed,

purposeful, active and courageous attitude of prayer’ en dit vernietig opnuut die

vyand se planne vir teëspoed om jou karakter te breek.


Being negative only makes a journey more difficult. You may be given a cactus,

but you don’t have to sit on it. – Joyce Meyer


Wanneer dit lyk of die wêreld om jou se vrugte soeter is en hulle bloeisels voor

joune bot, onthou dat ons almal nie bome van dieselfde soort is nie. Daar is ‘n

spesifieke tyd wat jou boom nodig het om te groei, met spesifieke nutriente wat

nodig is om die beste weergawe van jou soort op te lewer. Nutriente in die sin van

karaktereienskappe soos God dit vir jou bestem. Daar is GEEN ander film soos

joune nie. Nie een enkele mens is geskape soos jy nie, geen ander se voete het

al elke pad gestap wat jy gestap het, elke oorwinning en verlies ervaar wat jy

ervaar het, elke spiritual battle baklei wat jy al moes baklei of elke emosie gevoel

wat jy gevoel het nie. Jy, is jou boom en jou eie persoonlike film, spesiaal aan

mekaar geweef vir ‘n doel groter as wat ons horlosies aandui. Wees die een wat

in jou tyd van wag en wonder ander mense met jou karakter beinvloed, eerder

as wat jy met aardse manière beinvoed word. Soos Effesiërs 3:20 beklemtoon, jou

tyd sal kom en jy sal SOVEEL meer kry as wat jy ooit kon dink om voor te vra.

Wanneer jy God vra om dinge in jou lewe te verander, is Sy antwoord dalk juis om

jòù te verander.


Versies van Bemoediging:

“He works all things for the good of those who love Him.”

Romans 8:28


“Blessed are the pure in heart, for they shall see God.”

Matthew 5:8


“For the eyes of the Lord are over the righteous, and His ears are open unto their

prayers.”

1 Peter 3:12


“Wait for the Lord, be strong and let your hearts take courage, wait for the Lord.”

Psalm 27:14


“Do not be anxious about anything, but in everything, by prayer and petition, with

thanksgiving, present your requests to God.”

Philippians 4:6


Liedjies vir die week:

Jeremy Camp – Keep Me in The Moment

Kim Walker-Smith – Just Be

Elevation Worship – Do It Again


Cory Asbury – Reckless Love

Elias Dummer – Enough


Baie liefde,

Rouxnette




575 views0 comments

Recent Posts

See All

“Attitude is a choice. Happiness is a choice. Optimism is a choice. Kindness is a choice. Giving is a choice. Respect is a choice. Whatever choice you make makes you. Choose wisely.”
― Roy T. Bennett

Cape Town

All rights reserved © 2020 by Mooistevrou

  • Black Instagram Icon
  • Black Pinterest Icon
  • Black Facebook Icon