Ek wil nie met die wêreld in blend nie

Waarom het ons die drang om so graag in te pas? Is ons bang om uit te staan?

Te veel tyd en energie in die lewe word daaraan bestee om in te pas, as om normaal beskou te word. Ek dink persoonlik dat normaal redelik vervelig is. Waarom moet jy normaal wees as jy uitsonderlik kan wees? As iets eenvoudig inpas, is dit maklik om in te meng, as om heeltemal ongemerk te bly. Maar as iets uitstaan, kan jy nie anders as om dit raak te sien nie.

Ek praat nie van fisies voorkoms nie, maar van karakter. Ek praat van deur die ekstra myl te loop, vriendelik te wees en deernisvol teenoor ander te wees, om ‘n lewe van integriteit te leef. En in die hedendaagse wêreld maak hierdie eienskappe jou beslis ‘n persoon wat uitstaan.

Elke dag het ons ‘n keuse om uit te staan. ‘n Keuse om ongelooflik te wees, om verder te gaan as die gemiddelde. Elkeen van ons het die keuse om uitsonderlik te wees.

Waarom wil jy soos ander wees? Waarom wil jy vir normaal skied as jy skouspelagtig kan wees?

Wees trots om uit te staan. Wees vol vertroue om op te staan vir wat reg is, selfs as jy die enigste een is wat dit doen. Moenie jou standaarde verlaag om by ander in te pas nie. Laat jou voorbeeld eerder ander inspireer om hulle standaarde te verhoog. Wees ‘n leier. Hou op om bekommerd te wees oor die aanpassing. Begin te streef met wat jy reeds het, en staan uit met dit. Jy is geseënd met soveel talente, gebruik dit en groei daarmee.

Solank jy teverede is met jouself en jy is oop vir die idee om te verbeter en te groei, maak dit nie saak of jy êrens inpas of nie. Hou op om ander en jouself te bewys dat jy minder is as wat jy is. As jy jou potensiaal wil ondersoek en wil sien hoe bekwaam jy is, moet jy ophou om jouself te beperk. Jy moet jouself toelaat om te word wie jy wil wees.

Ons is almal gebore om uit te staan, so waar het ons verkeerd gegaan? Waarom is dit soveel makliker vir die wêreld om grense na grense te stel, in plaas daarvan om mense te aanvaar vir wie hulle is met hul foute en imperfeksies? Wanneer het dit sleg geword om anders te wees?

Ek voel mens moet nie vrees om anders te wees nie. My algemene mening is dat almal hulself moet wees, solank hulle nie ander seermaak nie. Jy is wie jy is. Jy is anders as ek, en jy is baie anders as enige ander persoon wat jy ken of die mense wat jy in jou leeftyd gaan ontmoet.

Miskien het jy soortgelyke eienskappe as sommige mense; jou smaak van musiek, die wêreldbeskouings, ‘n paar menings. Maar ons is ‘n komplekse mengsel van emosies, ervarings en opinies. Ek glo nie dat jy twee mense sal ontmoet wat presies dieselfde is nie. Ons almal beleef die wêreld anders. Ons voel dieselfde emosies, maar anders. Sommige mense is meer passievol, ander is oplettend en sommige is weer stil.

Wat egter saak maak, is dat jy die tipe persoon wat jy is, herken en toelaat dat jy in daardie rigting groei. Jy doen niemand ‘n guns deur nie te wees wie jy werklik is nie. Jy is jou eie persoon. Hou op om weg te kruip in jou dop, klim uit en lewe volgens die beste weergawe van jouself.

Ons is almal verskillend, moet nie probeer om soos die res die wees nie.

Jy is gebore om uit te staan.