Goud in die Vuur
“Diamante breek yster, die beste lesse bly maar duur. Dis die een wat bly loop deur die storms wat homself vind, goud in die vuur.” – Elvis Blue
Hierdie woorde weergalm die laaste paar weke in my kop vandat ek dit die eerste keer gehoor het oppad lughawe toe. Hoe elkeen van ons ons eie verhaal van storms en duur lesse het, en soveel makliker daarin vaskyk eerder as die diamant wat in onsself gevorm is, en watter hoekies van ons hart ons deur elke storm en in elke les leer ken het.
Wanneer ons dink aan goud in die vuur en die suiweringsproses wat daarmee gepaard gaan, dink ek dit is van kardinale belang om te besef en te aanvaar dat God se genade jou sal ontmoet reg daar waar jy is. In die middel van jou verlowing, jou huwelik, of jou ‘waiting season’. In die middel van jou eerste werk, jou bevordering of jou skuif na ‘n nuwe werk of rigting. In die middel van ou vriendskappe, nuwe vriendskappe, moeitelose vriendskappe en vriendskappe wat tans in ICU verkeer.
Genade kom ontmoet jou in elke ou stukkie van jouself wat jy herbou, elke nuwe stukkie van jouself wat jy leer ken en elke vreemde stukkie tussen in wat jou dwing om te groei. Genade kom ontmoet jou in mooi agtermekaar gebede wanneer die lewe rooskleurig lyk, in vinnige opskiet-gebede wanneer jy in verkeer sit oppad werk toe, en in stom gebede wanneer die wëreld en al sy dinge jou selfs van jou woorde beroof het. Genade ontmoet jou waar jy is, en vul elke gaping tussen waar jy was, waar jy is en waar God lank reeds oor jou gedroom het om nog te wees.
Dit is moeilik om God se stem te hoor wanneer ons reeds besluit het wat ons wil hê Hy moet sê, En dit is moeilik om te bid wanneer ons self nie eintlik weet wat ons wil hê nie – hoe kan ons met verwagting bid as ons nie weet wat ons van ons eie lewens verwag nie. ‘n Paar jaar gelede sou ek self dink dit is waansinnig om nie te weet wat jy werklik wil hê nie, maar as daar vandag ‘n regte antwoord op “Wat is jou 5-jaar plan?” was, sou ek totaal en al misluk, want daardie plan het al sewentig maal sewe keer verander, en ek het ‘n sterk vermoede dit is een van die vele redes waarom God ons ook waarsku om nie op ons eie insigte staat te maak nie – ons kon nie 5 jaar gelede die groter prentjie sien nie en ons gaan ook nie oor 5 jaar van nou af die groter prentjie sien nie, mens besef eers gedeeltes van ons lewens-skildery soos jy in jou wandel vir ‘n oomblik terug kyk.
Christine Caine het so rukkie gelede so mooi gedagte gedeel: “Do what you are called to do. Don’t get distracted, don’t get sidetracked, don’t get derailed. Do what you are called to do. Stay focused. Stay faith-filled. Stay hope-filled. Do what you are called to do. Don’t compare. Don’t compete. Don’t quit.”
Jy kan nie nuwe wonderwerke met ou denkwyse ontvang nie, jy moet plek maak vir God om iets nuut in jou lewe te kom doen soos Effesiers 3:20 beaam. Ons moet God nooi om meer te kom doen as wat ons ooit kan dink om eers te vra, en nog meer moet ons Hom toelaat om dit in ons lewens te kom doen.
God sal toelaat dat jy in onbekende spasies beweeg en ongemaklike situasies beleef, dit is nie om jou te straf nie, so ons het geen rede om benoud, verbouereerd of paniekbevange te raak nie. God is net van plan om aan ons te openbaar hoe faithful Hy is. He’s got this all figured out. Maar Hy het nodig vir ons om Hom te vertrou en dit nie alles eers op ons eie te probeer uitpluis nie.
“God is always looking for somebody who is obedient. When you’re willing to be obedient to what God is speaking, you don’t have to calculate or understand by logic what God is calling you to do. You only need to understand that where opportunity meets obedience, miracles happen.” Steven Furtick
Moet nooit bewustelik kies om langer in ‘n seisoen te bly as wat God vir jou beplan het nie. Net soos wanneer kos op ‘n warm plaat verbrand wanneer dit te lank staan, net so kan jy jou eie vingers brand wanneer jy deure probeer oophou wat God wil toemaak. Ons weet dat wanneer God ‘n deur oopmaak, geen mens dit kan toemaak nie, en ook dat wanneer Hy ‘n deur toemaak, geen mens dit buite Sy tyd kan oopmaak nie. Soms gebruik Jesus mense in ons lewens om deure vir ons oop te maak, en ander kere gee hy vir ons duidelike instruksies soos agter op ‘n cupcake boksie – ons weet nie altyd hoe lank nie, maar ons weet wanneer dinge begin brand en ons die hitte moet afdraai.
Wanneer die Gees in jou is, sal jy weet wanneer om weg van sekere vriendskappe en verhoudings te stap, want jou Gees en waardes sal begin bots met die mense om jou. Jy sal weet wanneer dit tyd is om ‘n nuwe werk te soek, of jy nou volgens aardse standaarde gekwalifiseer is en of jou binne jou eie gemoed jouself diskwalifiseer – God sal ‘n pad maak waar daar geen pad is nie sodat Hy jou kan gebruik op plekke waar ‘n mens onbruikbaar, nietig en klein lyk.
Op die einde van die dag gaan dit immers nie oor ons eie menswees nie, maar oor ons gretigheid en gewilligheid om gehoorsaam te wees. Dit bly die sleutel wat God in staat stel om ons te gebruik op ander vlakke in jou eie en ander mense se lewens – soveel meer as wat jy ooit vir jouself kon dink, droom of vra. Die werklike vraag wat ons onsself moet vra, is of ons bereid is om werklik alles neer te lê en ons lewens en ons eie planne volkome aan God oor te gee sodat Hy ons op Sy manier en in Sy tyd kan gebruik sodat Sy naam verheerlik word – want hoekom enigiets doen as dit nie is om ons Vader se naam te verheerlik nie?
As dit vir jou maklik is om ‘ja’ te antwoord, is jy waarskynlik alreeds deur ‘n seisoen waar jy moes leer hoe God alles om jou sal kom verander om alles binne jou te kom verander en andersom. As jy nie so maklik ‘ja’ kan antwoord nie, verstaan ek heeltemal want om ‘ja’ vir God te sê is om gelyktydig ‘nee’ vir die wêreld te sê. Dit is ‘n twee-letter woord wat jou hele lewe, denke, gedagtes, motiewe en aksies totaal en al sal omkeer. ‘n ‘Ja’ vir God beteken ‘n ‘ja’ vir ‘n suiweringsproses in jou lewe soos wanneer ‘n goudsmid vreeslike hitte gebruik om goud tot sy heel suiwerste vorm te kry wanneer dit die meeste waarde dra. Hierdie proses vat tyd en kan soms ongemaklik en ongerieflik raak. Maar ‘n ‘ja’ vir die Koninkryk met al sy ongemaklike situasies wat soms voel of ons konstant oor warm kole loop is altyd, elke dag, beter as ‘n ‘ja’ vir ‘n vervalle wêreld.
As dit werklik maklik was om te kies om jouself die goud in die vuur te maak, sou almal dit doen. Dan sou die wêreld nie so vervalle, donker plek gewees het nie want almal sou kies om reg van verkeerd te skei en nugter besluite neem, maar dit is nie die maklike uitweg nie. Om te kies om Jesus te volg is sinoniem daaraan om te kies om elke dag oorlog toe te gaan want die vyand sal altyd iets wat waardevol is probeer steel. Maar selfs daarvoor het God voorsiening gemaak toe Hy aan ons die wapenrusting beskikbaar stel.
Ons het reeds al die gereedskap wat ons in hierdie lewe nodig sal kry om die suiwerste vorm van ons menslike bestaan te word, die vraag is of ons bereid is om te kies om beter te wees as wat ons gister was. Om liewer te wees al gee mense ons soveel rede om te haat, om vriendelik te wees al is die samelewing om ons suur. Om dankbaar te wees al wil die wereld jou laat glo jy het altyd meer nodig. Om lewenslustig te bly al is mismoedigheid besig om in ons gemoedere te seefier. Niemand het ooit gesê om God te kies gaan maklik wees nie, maar wanneer die lyding verby is en ons die beloofde land betree, sal ons opnuut besef hoe dit werklik die moeite werd is, elke dag, elke oomblik, elke keer.
Ek hoop jy kies hierdie week om God toe te laat om jou Goud in die vuur te maak sodat jou hart, jou gedagtes, jou emosies en jou absolute bestaan tot sy suiwerste vorm kan kom. Ek is opgewonde om daardie weergawe van myself te ontmoet – die weergawe wat God oor ons gedroom het lank voordat die wereld vir ons kon voorskryf wie, wat en hoe ons moet wees. En wanneer jy dalk vandag sukkel om te kies, dis okay – God se genade sal jou ontmoet reg daar waar jy jouself bevind, laat Hom net toe.
Versies van Bemoediging:
“Lord teach me what I cannot see.”
Job 34:32
“When the time is right, I, the Lord, will make it happen.”
Isaiah 60:22
“He who promised is faithful.”
Hebrews 10:23
Liedjies vir die Week:
Elvis Blue – Goud in die Vuur
Elevation Worship – Graves into Gardens
Hillsong Worship – New Wine
Bethel Music – For the sake of the World
Tauren Wells – Famous For
Rend Collective – Second Chance
For King & Country – God only Knows
Baie liefde,
Rouxnette 😊