Wat beteken jou Moeder vir jou?

Mamsie, Moeder, Mammie of sommer net Ma is net 'n paar name vir die vrou in jou lewe wat jou sal help grootmaak en vir altyd en altyd onvoorwaardelik lief is. ’n Ma verduur die goeie, die slegte en die lelike van hul kinders en deel altyd drukkies en soentjies uit. Hulle is die rots en die ondersteuning deur die goeie en slegte tye in jou lewe.

Die betekenis van ma-wees is feitlik eindeloos. ’n Ma is ’n beskermer, dissiplineerder en vriendin. 'n Ma is 'n onbaatsugtige, liefdevolle mens wat baie van hul behoeftes opoffer vir die behoeftes en begeertes van hul kinders. 'n Ma werk hard om seker te maak hul kind is toegerus met die kennis, vaardighede en vermoëns om dit as 'n bekwame mens te maak.

Om 'n ma te wees is miskien die moeilikste, mees lonende werk wat 'n vrou ooit sal ervaar.

My moeder is my steunpilaar in my lewe. Ek kan altyd oor enige iets met haar praat en sy sal altyd daar vir my wees, maak nie saak wat die omstandighede is nie. Sy inspireer my elke dag om die beste persoon te wees wat ek kan wees - sterk, onafhanklik en gelukkig met myself. Sy is een van my heel beste vriendinne.

My Moeder beteken letterlik die wêreld vir my.

Al bly sy amper ‘n 1000km van my af, waardeer ek altyd elke oomblik saam met haar. Sy sal altyd uit haar pad uit gaan om ander te help – ‘n regte Moeder Theresa, met ‘n hart van goud.

Ek weet dat ek nie net vir myself praat nie, maar ook vir my broers, wanneer ek sê dat ek nie kan voorstel dat iemand ‘n beter ma as ons het nie. Ek kan my lewe nie sonder haar voorstel nie, ek is so dankbaar vir haar en vir alles wat sy vir my en my gesin doen.

Ek weet dat om drie kinders te hê nie net uitputtend is nie, maar ook emosioneel uitputtend en belaglik duur is. As jy met my ma praat, sal jy dit egter nooit weet nie, want sy behandel ons nooit asof ons 'n las vir haar is nie. Sy behandel ons altyd soos 'n seën.

My Moeder is my grootste rolmodel. As ek oor 30 jaar die vrou is wat sy is, sal ek meer as gelukkig wees.

‘n Moeder is daardie persoon wat altyd in jou glo en weet tot wat jy in staat is, al glo jy self nie so nie. Wanneer jy hopeloos voel, sal sy daar wees om jou op te lig en weer op die regte spoor te sit om jou doelwitte te bereik.

Sy sal haar eie grense verskuif om jou te akkommodeer.

‘n Moeder is liefde - Een van die grootste geskenk vanaf Bo.

Dit is werklik die wonderlikste gevoel om

te weet dat iemand jou meer as enigiets liefhet en sal ALTYD van jou hou. Al verbrokkel jou vriendskappe of verhoudings met ander, met ‘n Moeder in jou lewe, weet jy, daar is altyd iemand wat jou sal liefhê en jou trane sal afvee.

Ek wonder hoe bring ‘n mens hulde aan iemand soos ‘n Moeder op Moedersdag? Want nie een versie, gedig of definisie kan enige Moeder beskryf nie. En op ‘n manier is ek glad nie verbaas nie, want ek weet voor my siel, daar is geen vergelyking vir ‘n Moeder nie, want daar is net een soos SY! Vir haar verruil ek vir niks in die lewe nie.

Maak nie saak waar jul Moedersdag die maand vier nie, dit gaan alles oor hoe om dit 'n spesiale dag te maak, vir die persoon wat jou in hierdie wêreld in gebring het.