• Anri Basson

Wees lief vir jouself genoeg dat jy oukei is om mense teleur te stel

Ons hou soms die waarheid terug omdat ons bang is die ander persoon sal dit nie kan hanteer nie, dat dit te veel vir hulle sal wees, dat ONS te veel vir hulle sal wees en hulle sal trek of wegstoot.


So ons byt op ons tonge en bottel dit op, en hou geheime binne-in styf toegesluit. Soms gooi ons die sleutel weg en oortuig onsself dit is hoe dit moet wees, maar wat ons regtig sê wanneer ons dit doen, is drie afsonderlike dinge.


Eerstens, "Ek wil nie hê jy moet sleg voel as jy dit hoor nie, so ek sal kies om sleg te voel deur dit nie te sê nie. Ek sal seermaak, so jy sal nie.” Ons offer onsself op sodat hulle nie pyn sal voel nie, maar deur dit te doen versamel ons seer wat nie ons s'n is om te dra nie. Onnodige laste word beste vriende tot die bitter einde.


En dit sal bitter eindig, want daar is geen gelukkige einde vir die dra van onnodige pyn nie. Dit sal ons stadig wegvreet van binne, en manifesteer as angs, depressie, self twyfel en wanhoop totdat ons dapper genoeg word om werklik te deel hoe ons voel, wat ons wil hê en wie ons werklik is.


Tweedens, "Ek dink nie jy is sterk genoeg om dit te hanteer nie." Wanneer ons mense oordeel as nie dapper genoeg, of gereed genoeg of sterk genoeg om ons te hanteer nie, ontsê ons daardie persoon 'n kans om te groei, om op te tree, om te verbeter en om die swaarmoedigheid wat die lewe soms bied, te hanteer. Deur ons waarheid te weerhou, ontsê ons hulle 'n kans om hul eie krag te bewys en sodoende hou ons hulle swak. Lees dit weer.⁣ En miskien nog een keer. Dikwels is ons so gefokus op onsself en ons pyn dat

ons nalaat om na te dink oor die geleenthede wat ons na die tafel bring wanneer ons heelhartig met ander deel. Waarheid is 'n uitnodiging vir hul uitbreiding en ons verbinding.


Ten slotte, ons raai dat ons weet hoe hulle sal dink, optree of reageer, maar miskien sal ons verkeerd wees. Miskien sal hulle trots wees op ons dat ons eerlik is. Miskien sal dit alles net goed uitwerk. Miskien sal dit 'n konneksie of intimiteit bevorder. Miskien is hulle sterker as wat ons dink. Miskien sal hulle ons verras op die beste manier moontlik. Jy weet nooit regtig totdat jy dit doen en jou optrede dit bewys nie.⁣


Die regte vriendelike ding om te doen is net om jou waarheid te praat.⁣


1,859 views0 comments

Recent Posts

See All